ધામ વિશે

શ્રી વિદ્યા કલ્યાણ ધામ

શ્રી વિદ્યા કલ્યાણ ધામ એ રાજકોટ-મોરબી હાઈવે પર રતનપર ગામે આવેલું વૈદિક ગુરુકુળ અને સાધના-સ્થાન છે. અહીં શ્રી વિદ્યા પરંપરા અનુસાર શ્રી યંત્રરાજની નિત્ય ઉપાસના થાય છે, ઋષિકુમારો વેદાધ્યયન કરે છે અને ગૌ સેવા તથા અન્ન દાન જેવી સેવાઓ નિરંતર ચાલે છે.

ટ્રસ્ટ

ધામનું સંચાલન શ્રી વિદ્યા કલ્યાણ ટ્રસ્ટ, રાજકોટ (ટ્રસ્ટ રજી. નં. E/11515/Rajkot) કરે છે. ટ્રસ્ટનો નોંધણી ક્રમાંક અને સંપર્ક વિગતો આ વેબસાઇટના દરેક પેજના અંતે આપેલી છે; તે સિવાય ધામના નામે ફરતી કોઈ માહિતી અધિકૃત નથી.

ઉદ્દેશ

ધર્મ, સંસ્કાર અને સેવા – આ ત્રણ ધામના આધારસ્તંભ છે. વેદવિદ્યાનું સંવર્ધન, સનાતન સંસ્કારોનું સિંચન અને સમાજના દરેક વર્ગ સુધી સેવા પહોંચાડવી એ ધામનો સંકલ્પ છે.

દિનચર્યા

પ્રાતઃ સંધ્યા અને નિત્ય યજ્ઞથી દિવસનો આરંભ થાય છે. દિવસ દરમિયાન વેદપાઠ અને અધ્યયન ચાલે છે, સાંજે ભજન-કીર્તન થાય છે. દર શુક્રવારે સાંજે શ્રી યંત્રરાજના શૃંગાર દર્શન થાય છે, અને પૂર્ણિમા તથા પર્વોના દિવસે વિશેષ મહાપૂજા યોજાય છે.

દેવસ્થાનો

• શ્રી યંત્ર મંદિર – બાળા, કામાખ્યા, દશમહાવિદ્યા, દિગ્ગજ અને અષ્ટ મહાનાગ યુક્ત કાળા પથ્થરનું મેરુ શ્રી યંત્ર – શ્રી યંત્રરાજ – ધામના કેન્દ્રમાં.
• શ્રી મહાદેવ મંદિર – શ્રી પંચનાથ મહાદેવનું શિવલિંગ.
• શ્રી સિદ્ધ હનુમાનજી મંદિર – શ્રી સિદ્ધ હનુમાનજી મહારાજ.
• શ્રી શનિદેવ મંદિર – શ્રી સર્વદાતા શનિદેવ મહારાજ.
• શ્રી કાલભૈરવ મંદિર – શ્રી કાલભૈરવ.
• શ્રી વિદ્યા ગૌશાળા, રતનપર – ધામની ગાયોની સેવાનું સ્થાન.